2018 හිස තෙල් ගෑමේ සිංහල අළුත් අවුරුදු චාරිත්‍රය සිරි වජිරාරාමයේදී..
මෙවර සිංහල අළුත් අවුරුද්දේ විශේෂ චාරිත්‍රයක් වන හිස තෙල් ගෑමේ චාරිත්‍රය අද දින (16) පුර්වභාග 10.16 ට සිරි වජිරාරාම විහාරස්ථාන බෝමළුවේදී මහා සංඝරත්නයේ ආශීර්වාද මධ්‍යයේ සිදු කරන ලදි. මෙහිදී සිරි වජිරාරාමාධිපති අතිපුජ්‍ය තිරිකුණාමලේ ආනන්ද මහනාහිමියන්, සිරි වජිරාරාමාධිකාරී පූජ්‍ය කඹුරුගමුවේ මහානාග හිමියන් සහ වජිරාරාම දහම්පාසලේ ප්‍රධානාචාර්ය පූජ්‍ය මීගොඩ සුඛිත හිමියන් ඇතුළු මහා සංඝරත්නය විසින් පැමිණ සිටි සියලුම දෙනා හට සෙත් පිරිත් දේශනා කර ආශීර්වාද කරන ලදි.
සිරි වජිරාරාම විහාරස්ථානයේ දායක දායිකාවන්, දහම්පාසල් දරු-දැරියන් ඇතුළු බොහෝ පිරිසක් මේ අවස්ථාවට සහභාගී වූ අතර දහම්පාසල් ශිෂ්‍ය-නායක නායිකාවන් විසින් සපැමිණි සියලු දෙනා හට කිරිබත් සහ කැවිලි සංග්‍රහයක්ද සිදු කරන ලදි.
